Пилешки ќофтиња во соја сос
Сочни пилешки ќофтиња комбинирани со крцкава брокула и вкусен соја сос. Овие ќофтиња се совршена и лесна вечера за целото семејство. Сервирани со ориз или со вашиот омилен додаток, ова јадење може да се направи по сечиј вкус.
4
Состојки
Состојки за ќофтиња
- 500 г мелено месо пилешко или мисиркино
- 1 кромид
- 1 јајце
- 1-2 лажици масло
- 40-50 г ситно рендан кашкавал
- 30-40 г презла
- 1 лажичка црвен пипер
- 1 лажичка лук во прав или свеж лук
- ¼ лажичка бибер
- ½ лажичка сол
Состојки за сос
- 5 лажици соја сос
- ½ чаша вода
- 1 лажичка брашно или густин
- 2 лажици сусам
- 1 лажица рендан ѓумбир или ѓумбир во прав
- 1 лажица лук свеж или во прав
- 2 лажици кафеав шеќер
- 1-2 лажички лут чили сос опционално
За сервирање
- ориз
- брокула
Инструкции
- Измешајте ги сите состојки за сосот.
- Комбинирајте ги сите состојки за ќофтињата и формирајте мали ќофтиња, отприлика 20.
- Доколку користите брокула, обарете ја малку брокулата и тргнете ја на страна и за ова време ставете да се готви ориз.
- На нелепливо тавче на малку масло и на средна температура убаво згответе ги ќофтињата (на пилешкото и мисиркиното внатрешната температура треба да им биде 74°С и затоа е важно да се зготват убаво)
- Кога ќе бидат готови, додадете го сосот и кога ќе се згусне одма тргнете ги ќофтињата и ставете ги во сад.
- Во истото тавче можете малку да ја пропржите и брокулата.
Notes
- Ако сакате рецептот да биде без млечни производи, единствено заменете го кашкавалот со 20-30г презла.
- За да можете полесно да формирате ќофтиња, намокрете ги дланките или ставете малку масло на дланките пред да формирате ќофтиња.
- Ако сакате повеќе сос, дуплирајте ги состојките за сосот.