Barbecue пилешко
Ова BBQ пилешко е буквално спас и можам да го јадам секоја недела. Стои сочно и вкусно 3 дена и можете да го комбинирате во повеќе различни оброци со ориз, тортиља, леб, салата.
4 порции
Состојки
- 500 г пилешки стек
- сол и лук во прав
- 1/2 чаша вода може и повеќе
- 100 г барбекју сос (може и помалку/повеќе во зависност од која фирма користите)
- 1 лажица маслиново масло
Инструкции
- Во нелепливо тенџере или поголемо тавче загреано на средна температура ставете ги пилешките стекови заедно со маслиновото масло.
- Ставете сол и други зачини по желба и кога ќе добијат боја ставете вода и покријте го тенџерето со капак. Вака ќе може стекот да се вари поспоро и да биде сочен.
- Кога ќе испари водата видете дали е зготвено и меко пилешкото, по потреба додадете уште малку вода.
- Исцепкајте ги стековите со вилушка или исецкајте ги за побрзо. Јас овојпат ги исеков, иако малку повеќе ми се свиѓаат исцепкани.
- Вратете ги стековите во тенџере. Ставете BBQ сос и барем 2-3 лажици вода. Ако е појак сосот може и повеќе.
- Оставете да се крчка 5-10 минути за стекот да добие убав вкус. Промешувајте за да не загори.