Чоколадни “frozen yogurt” сладоледи
Чоколадни “frozen yogurt” сладоледи од 4 состојки 🍦.
Во топли денови сѐ што ми се јаде се некои свежи и ладни работи, a особено вакви сладоледчиња. Готови за 2 минути, од само 4 состојки и совршена ужинка за секого.
На вашите сладоледи може да им додадете било какви додатоци, овошје, колачиња, чоколадо, изборот е голем.
Овие сладоледи не се многу благи и се супер за ужина или лесен десерт. По желба може да им додадете парчиња чоколадо, овошје, скршени колачиња и слично.
Состојки во овие вегански овесни колачиња
- Грчки јогурт – ги прави овие сладоледчиња протеински и им го дава тој frozen yogurt вкус.
- Кокосово млеко – богато со масти и ги прави овие сладоледи кремасти.
- Какао – богат чоколаден вкус добиваме со користење квалитетно какао.
- Мед – во овој рецепт како засладувач користиме мед, но може да користите и друг течен засладувач.
Неколку забелешки за правење здрави сладоледи
- Оставете ги сладоледи да се одмрзнат 5-10 минути пред јадење.
- Останатите сладоледи чувајте ги во затворен сад за да не примат вкус од фрижидерот.
Други превкусни десерти што можеби ќе ви се допаднат:
Се надевам дека ви се свиѓа овој рецепт исто колку и мене! Ако го пробате, не заборавајте да ми напишете коментар или да ме тагнете на инстаграм на @anamarija.kuzmanovska . Уживајте! <3
Чоколадни frozen yogurt сладоледчиња
Готови за 2 минути, од само 4 состојки и совршена ужинка за секого. Овие чоколадни сладоледчиња се превкусни.
6 сладоледчиња
Состојки
- 300 г грчки јогурт
- ½ конзерва кокосово млеко 200 мл
- 2 полни лажици квалитетно какао 25-30 г
- 4 полни лажици мед околу 80 г
- чоколадо и додатоци по избор
Инструкции
- Изблендирајте ги сите состојки и со смесата наполнете калапи за сладолед
- Ставете ги да се замрзнат во фрижидер минимум 2 часа и декорирајте ги по желба.