Коб салата е превкусна салата направена со сочно пилешко, варени јајца, крцкава сланина, зеленчук и домашен дресинг. Во традиционалната коб салата се става сино сирење и дресинг со оцет, но оваа кремаста верзија мене ми е омилена. Совршена салата буквално за секој период од годината.
Оваа пилешка салата е комплетен оброк. Содржи доволно протеини, масти и е богата со микронутриенти. Сигурна сум дека ќе ве држи сити со часови.
Домашен дресинг за коб салата
Овој дресинг ми е омилен и го употребувам за многу работи. Секакви салати, сендвичи, месо. Направен е од грчки јогурт, мед , сенф, лук во прав, бибер, куркума и други зачини во зависност од рецептот.
Замена на состојки за коб салата
Секоја салата може да ја направите целосно по ваш избор. За протеин може да користите и тофу, може да додадете и печен благ компир за повеќе јаглехидрати. На креативноста и нема крај.
Тука погледни го начинот на подготовка
Други превкусни рецепти што можеби ќе ви се допаднат
Се надевам дека ви се свиѓа овој рецепт исто колку и мене! Ако го пробате, не заборавајте да ми напишете коментар или да ме тагнете на инстаграм на @anamarija.kuzmanovska . Уживајте! <3
Коб салата
Состојки
- 400 г пилешки стек
- 1 лажица маслиново масло
- 4-5 парчиња сланина 90г
- 2 јајца
- 1 поголем патлиџан
- 1/2 авокадо по желба
- ајсберг и рукола
Дресинг
- 150 г грчки јогурт
- 1-2 лажици мед
- сенф по вкус
- лук во прав, бибер и куркума
Инструкции
- Измешај ги состојките за дресингот.
- Почни со готвење на пилешкото. Стави малку масло, зачини по желба и покриј го со капак.
- Додека се готви пилешкото, свари ги и јајцата и исецкај го зеленчукот.
- Кога ќе биде готово пилешкото, во истото тавче зготви ја и сланината.
- Исечи го пилешкото, јајцата и комбинирај ги сите состојки за салатата.
