Сирники
Сирники се традиционални руски/украински палачинки кои се прават со урда и се превкусни. Мојата верзија на нив е малку побалансирана, совршен избор на доручек којшто ќе ве држи сити и е превкусен.
Да не ја изјавувам уште еднаш мојата љубов за урдата, посебно оваа од Кам на Хомоље, препреубава е. Не е спонзорирано (I wish), имам купено сигурно над 100-200 урди досега и нема да престанам. Oвие сирники се премеки, совршени за дечиња над 1 годинка и стварно прелесни за правење. Обавезно ставете си ги на неделното мени.
Состојки во сирники
- јајце – го држи тестото заедно и збогатува со протеини и масти
- оризово брашно – како замена за обично брашно користиме оризово брашно (купено од инстаграм од orizovobrahno.mk)
- урда – главна ѕвезда на овој рецепт
- мед – го користиме како засладувач
Замена на состојки во сирники
- Оризовото брашно може да го замениш со гриз во иста количина или пак со обично брашно, но во малку поголема количина
- медот може да се замени со било кој друг засладувач
Моите омилени додатоци за сирники
Ова што го гледате на сликата е комбинација од моите омилени додатоци. Многу сакам да ставам свежо овошје кое не само што е вкусно, туку и додава диететски влакна и витамини на оброкот. Исто така сакам џем и путер од јатки.
Овој пат ставув и една лажица грчки јогурт (многу убава комбинација) и малку гранола.
Тука погледни го начинот на подготовка
Други превкусни рецепти што можеби ќе ви се допаднат
Се надевам дека ви се свиѓа овој рецепт исто колку и мене! Ако го пробате, не заборавајте да ми напишете коментар или да ме тагнете на инстаграм на @anamarija.kuzmanovska . Уживајте! <3
Сирники
Состојки
- 100 г урда
- 1 јајце
- 50 г оризово брашно или ситен гриз
- 2 лажички мед или друг засладувач
- ванила екстракт опционално
- 1/2 лажичка прашок за пециво
Инструкции
- Измешајте ги сите состојки и оставете ја смесата да отстои околу 5 минути.
- Загрејте нелепливо тавче на средна температура и премачкајте го со масло.
- Со дланките оформете околу 5 сирники и печете ги од дете страни по 2-3 минути(додека не добијат убава боја).
- Сервирајте со вашите омилени додатоци. Јас денес ставив малку грчки јогурт, џем од малини, киви и малку гранола. Беше превкусно!
Notes
- Протеини: 26g
- Масти: 13g
- Јаглехидрати: 50g
