Пити со јаболка
Дали ги памтите питите со јаболка од Mc’Donalds? Мене ми беа омилени! Епа, ова е поздрава верзија на нив. И нормално, не се пржат зашто мене не ме бива за пржење и стварно не сакам многу мрсна храна.
Овие пити со јаболка се вкусни, се прават прелесно и најдобро од се’, ви требаат само неколку состојки за да ги подготвите.
Состојки за пити со јаболка
- За филот – јаболки, путер или кокосово масло, мед, цимет, густин и кафеав шеќер по желба. Филот за овие пити е препревкусен. Ќе сакате така да го јадете. Можеби треба малку време да се исецкаат јаболките на коцкички, но навистина вреди.
- Останати состојки – готови кори, масло, вода, јајце по желба и малку кафеав шеќер. Толку едноставно.
Како да ги направите питите со јаболка
- Исецкајте ги јаболките на коцкички, комбинирајте ги во едно тавче заедно со состојките за филот (освен густионот) и оставете ги да се динстаат на средна температура.
- Кога ќе омекнат, ставете го густинот измешан со водата и мешајте кратко за да се направи како џем. Тргнете го тавчето од рерна и почекајте да се олади филот.
- Отворете ги готовите кори и исечете ги на половина по должина.
- За секоја пита ќе користите по две половинки.
- Попрскајте ги убаво корите со вода и масло. Ставете по 1,5-2 лажици фил на крајот на кората и почнете да ја превиткувате дијагонално се’ до крај.
- Повторете со сите кори (не заборавајте за 1 пита се користи 1 цела кора, односно 2 половинки) и наредете ги питите на хартија за печење. Од горе попрскајте ги со уште малку вода, намачкајте ги со матено јајце доколку ставате и по желба кафеав шеќер.
- Загрејте ја рерната на 180-200 степени и печете додека не добијат убава златна боја.
Други превкусни рецепти есенски рецепти што можеби ќе ви се допаднат
Се надевам дека ви се свиѓа овој рецепт исто колку и мене! Ако го пробате, не заборавајте да ми напишете коментар или да ме тагнете на инстаграм на @anamarija.kuzmanovska . Уживајте! <3
Пити со јаболка
Овие пити со јаболка се вкусни, се прават прелесно и најдобро од се’, ви требаат само неколку состојки за да ги подготвите.
Состојки
Фил
- 4 големи јаболки
- 50 г путер или кокосово масло
- 2-3 лажички цимет
- 3 лажици мед
- 3 лажици кафеав шеќер или мед
- 1 лажица густин
- 1 лажица вода
Останати состојки
- 1 пакување готови кори
- масло и вода
- 1 јајце за премачкување опционално
Инструкции
- Исецкајте ги јаболките на коцкички, комбинирајте ги во едно тавче заедно со состојките за филот (освен густионот) и оставете ги да се динстаат на средна температура.
- Кога ќе омекнат, ставете го густинот измешан со водата и мешајте кратко за да се направи како џем. Тргнете го тавчето од рерна и почекајте да се олади филот.
- Отворете ги готовите кори и исечете ги на половина по должина. За секоја пита ќе користите по две половинки.
- Попрскајте ги убаво корите со вода и масло. Ставете по 1,5-2 лажици фил на крајот на кората и почнете да ја превиткувате дијагонално се’ до крај.
- Повторете со сите кори (не заборавајте за 1 пита се користи 1 цела кора, односно 2 половинки) и наредете ги питите на хартија за печење. Од горе попрскајте ги со уште малку вода, намачкајте ги со матено јајце доколку ставате и по желба кафеав шеќер.
- Загрејте ја рерната на 200С° и печете 20-30 минути додека не добијат убава златна боја.